کیا یہ دھوکہ ہم نہیں کھا سکتے؟

Read moreThe Third Man

قرآن پڑھانے والے استاد نابینا تھے اور بچوں میں پھل بانٹ رہے تھے کہ ایک بچہ بار بار لائن میں چلا آتا میں یہ منظر کافی دیر سے دیکھ رہا تھا۔ اب میں جو کافی دیر سے یہ تماشا دیکھ رہا تھا نہ جانے کونسی غیبی طاقت نے میرے قدم جکڑ رکھے تھے ورنہ میں اس بچے کو ضرور ایسا کرنے سے منع کرتا کیوں کہ باقی بچوں کے ہاتھوں میں ایک ایک فروٹ تھا پر وہ کمزور سا چڑیا جیسا بچہ اچھے خاصے آم اور تربوز اپنے تھیلے میں ڈال چکا تھا

Read moreBen-Hur

حیرانگی مجھے اس بات پر بھی ہوئی کہ استاد جی کے پاس اگر دوبارہ کوئی بچا آتا جو پہلے لے جا چکا ہو تو استاد جی اسکے گال کھینچتے اور بھگا دیتے، پر اسے نہ جانے کیسے نہیں پہچان پا رہے تھا یا وہ کیسے چکمہ دے جاتا تھا جب کہ آج تک مجھ جیسا بھگوڑا انہیں چکمہ نہیں دے پایاتھا۔ خیر دل میں ایک عجیب سی خوشی بھی تھی کوئی تو ہے جس سے استاد جی چکمہ کھا گۓ۔ خیر جب فروٹ ہضم تماشا ختم ہوگیا تو میں استاد جی کے پاس چلا گیا جو اپنے گھر کی طرف واپس جا رہے تھے میں نے راستے میں ہی انکو آ لیا اور کہنے لگا۔ ” بادشاہ لوگو میرا حصّہ کہاں ہے ابھی اتنا بڑا تو نہ ہوا میں۔ استاد جی مسکراۓ اور کہنے لگے۔ میرے نالائق پتر پھل تو محنت کرنے والوں کو ملتا ہے تماشے دیکھنے والے خالی ہاتھ ہی رہ جاتے ہیں تیری طرح …” خیر میں انکے ساتھ چلتا رہا آج شاید انہیں تنگ کرنے کا ارادہ بن رہا تھا میرا۔ ” ارے استاد جی بہت افسوس کی بات ہے ایک چھوٹا سا بچہ آج ہاتھ کر گیا آپکے ساتھ .” کونسا بچہ ؟؟ اچھا کہیں تو اس چڑیا کی تو بات نہیں کر رہا جو ہاتھ میں بورا لئے بار بار گھوم کر آرہا تھا اپنا حصّہ وصول کرنے ؟؟ میں نے ایک نظر استاد جی کی طرف دیکھا اور سوچا یار یہ واقعی آنکھوں سے نہیں دیکھ سکتے کیا ؟ جی استاد جی اسی کی بات کر رہا ہوں ” نہیں پتر وہ چکمہ نہیں دے رہا تھا میں چکمہ کھا رہا تھا. یہ جو باقی بچے تھے نا خود ہی آم چوستے اور پھر گھر والوں کے ساتھ بیٹھ جاتے ہیں،

پر اس بچے کو اپنے گھر والوں کا خیال تھا یہ جو پیچھے جھگیاں ہیں نا وہاں سے آتا ہے یہ اور میں روز اس سے دھوکہ کھاتا ہوں اب تو کچھ نشہ سا لگ گیا ہے ۔ پتر کبھی ایسے بچوں سے دھوکہ کھا کر دیکھ تیری پریشانیاں کیسے دھوکہ کھا کر تجھ سے راستہ بدل لیں گی تو سوچ بھی نہیں سکتا۔ کیا یہ دھوکہ ہم نہیں کھا سکتے؟

Post navigation

The post کیا یہ دھوکہ ہم نہیں کھا سکتے؟ appeared first on TRENDBUDDIES.COM.

source https://trendbuddies.com/%da%a9%db%8c%d8%a7-%db%8c%db%81-%d8%af%da%be%d9%88%da%a9%db%81-%db%81%d9%85-%d9%86%db%81%db%8c%da%ba-%da%a9%da%be%d8%a7-%d8%b3%da%a9%d8%aa%db%92%d8%9f/